Leikskólinn Vinagerði

Alli, Palli og Erlingur

Alli, Palli og Erlingur þeir ætla að fara að sigla.

Vantar vænan bát, en vita afbragðs ráð

þeir fundu gamalt þvottafat, sem farið var að mygla.

Sigla út á sjó og syngja hæ hæ hó.

Seglið var úr afarstórum undirkjól,

mastrið, það var skófluskaft og skútan lak og valt

og hæ og hó, og hæ og hí

en skítt með það, við skulum komast fyrir því.

Alli vildi ólmur til Ameríku fara

en Palli sagði: "Portúgal er prýðis land".

"Ertu frá þér Palli, nú ætlum við að spara

siglum beint og stefnum beint á Grænlandssand".

"Ertu frá þér Erlingur, þú ert að fara í kaf

hatturinn þinn fýkur af og feykist út á haf".

og hæ og hó, og hæ og hí

en skítt með það, við skulum komast fyrir því.
Blátt lítið blóm eitt er

Blátt lítið blóm eitt er,

ber nafnið: "Gleymdu' ei mér",

væri ég fleygur fugl,

flygi' ég til þín.

Svo mína sálu nú

sigraða hefur þú.

Engu ég unna má

öðru en þér.

Þýskt þjóðlag /Gylfi Þ Gíslason
Dagur er risinn

Dagur er risinn rjóður í austri,

raular mér kvæði þröstur á grein.

Blessuðu tónar, blessaði dagur,

blessaða veröld tindrandi hrein.

Sólin er risin hátt upp á himin,

hlæjandi dagur þerrar mín tár.

Blessað sé ljósið, lífgjafinn mildi,

lofaður veri himinninn blár.

Ég elska lífið, ljósið og daginn,

lofgjörð um heiminn fagnandi syng.

Blessað sé lífið, blessað sé ljósið,

blessaðir morgnar árið um kring.

Ljóð: Heimir Pálsson

Lag: Morning has broken(Cat Stevens)
Göngum, göngum

Göngum, göngum,

göngum upp í gilið

gljúfrabúann til að sjá.

Þar á klettasyllu

svarti krummi

sínum börnum liggur hjá

þjóðlag/ Þórður Kristleifsson
Með sól í hjarta

Með sól í hjarta og söng á vörum

við setjumst niður í grænni laut

Í lágu kjarri við kveikjum eldinn

kakó hitum og eldum graut.

Enn logar sólin á Súlnatindum

og senn fer nóttin um dalsins kinn.

og skuggar lengjast og skátinn þreytist

hann skríður sæll í pokann sinn.

Og skáta dreymir í værðarvoðum

um varðeld, kakó og nýjan dag.

Af háum hrotum þá titra tjöldin

í takti einmitt við þetta lag.
Nú er sumar

Nú er sumar, gleðjist gumar

gaman er í dag.

Brosir veröld víða, veðurlagsins blíða

:,:eykur yndishag:,:

Látum spretta spori létta

spræka fáka nú.

Eftir sitji á engi, örvar víf og drengi

:,:sumarskemmtun sú.:,:
Oft um ljúfar

Oft um ljúfar, ljósar sumarnætur

læðist kvæði fram á skáldsins önd

Djúpur friður gjörvallt sveitað lætur

báran andar létt við lága strönd

Og um þessar yndislegu stundir

er ég fullu sáttur heiminn við

sest ég hugrór húsveggnum undir

hægur nætursvali kyssir grundir

andvarpar breytist mitt í kvæðaklið.

Jón Laxdal/ Hannes Blöndal
Signir sól

Signir sól, sérhvern hól.

Sveitin klæðist geislakjól.

Blómin blíð, björt og fríð

blika fjalls í hlíð.

Nú er fagurt flest í dag

fuglar syngja gleðibrag.

Sumarljóð, sæl og rjóð,

syngja börnin góð.

Þýskt þjóðlag/Gunnar M Magnús
Sól sól skín á mig

Sólin er risin
sumar í bænum
sveitirnar klæðast
feldinum grænum
Ómar allt lífið af ylríkum söng
unaðsb jörtu dægrin löng
Sól sól skín á mig
ský, ský burt með þig
gott er í sólinni að gleðja sig
sól, sól skín á mig.

Blómin vekja skrautlegan
iðandi angan,
andblærinn gælir við
marglitan vanga
Ómar allt lífið af ylríkum söng
unaðsbjörtu dægrin löng

Sól sól skín ....
Sumarkveðja

Ó, blessuð vertu, sumarsól,
er sveipar gulli dal og hól
og gyllir fjöllin himinhá
og heiðarvötnin blá.
Nú fossar, lækir, unnir, ár
sér una við þitt gyllta hár,
nú fellur heitur haddur þinn
á hvíta jökulkinn.

Þú klæðir allt í gull og glans,
þú glæðir allar vonir manns,
og hvar sem tárin kvika á kinn
þau kyssir geislinn þinn.
Þú fyllir dalinn fuglasöng,
nú finnast ekki dægrin löng,
og heim í sveitir sendirðu æ
úr suðri hlýjan blæ.

Þú frjóvgar, gleður, fæðir allt
um fjöll og dali og klæðir allt
og gangirðu undir gerist kalt,
þá grætur (þig) líka allt.
Ó, blessuð vertu, sumarsól,
er sveipar gulli dal og hól
og gyllir fjöllin himinhá
og heiðarvötnin blá.
Syngjum á sólbjörtum degi

Við syngjum á sólbjörtum degi,

við syngjum á koldimmri nótt.

Við syngjum á láði og legi.

Það lífgar og hressir vorn þrótt.

Syngjum, syngjum, já, syngjum

já, syngjum í dag, í dag.

Syngjum, syngjum,

við syngjum, já, syngjum í dag

Oss söngvarnir sætastir óma

í sinni við æskunnar skart.

Við elskum þá ódáinshljóma

er umhverfis gera svo bjart.

Syngjum, syngjum

lLag: My Bonny
Vér göngum

Vér göngum svo léttir í lundu,

því lífsgleðin blasir oss við.

Vér lifum á líðandi stundu

við lokkandi söngvanna klið.

Tra la la la la la la,

Vér göngum og syngjum hér saman,

því söngurinn hann er vort mál.

Og nú verður glaumur og gaman,

nú gleðjist hver einasta sál.

Tra la la la la la la…..
Vikivakar

Sunnan yfir sæinn breiða

sumarylinn vindar leiða

draumalandið himinheiða

hlær og opnar skautið sitt

vorið kemur, heimur hlýnar hjartað mitt.

Gakk þú út í græna lundinn

gáðu fram á bláu sundin

mundu að það er stutt hver stundin

stopult jarðneskt yndið þitt

vorið kemur, heimur hlýnar hjartað mitt.

Ah ahaha ….

Allt hið liðna er ljúft að geyma

láta sig í vöku dreyma

sólskinsdögum síst má gleyma

segðu engum manni hitt

vorið kemur, heimur hlýnar hjartað mitt.

Ah ahaha ….

Valgeir Guðjónsson/ Jóhannes úr Kötlum

Söngbókin

Sumarlög

Alli, Palli og Erlingur

Blátt lítið blóm eitt er

Dagur er risinn

Göngum, göngum

Með sól í hjarta

Nú er sumar

Oft um ljúfar

Signir sól

Sól sól skín á mig

Sumarkveðja

Syngjum á sólbjörtum degi

Vér göngum

Vikivakar

Leikskólinn Vinagerði