Leikskólinn Vinagerði

Gát á dimmum vegi

Gát á dimmum vegi

ef gangstétt finnst þar eigi:

geng ég vinstra megin

og alltaf nærri brún.

Bílstjórarnir sjá mig,

því bót er saumuð á mig:

bót sem varpar ljósi

og glóra kallast hún.

Viðlag:

Hér sjá þeir Línu langsokk

með glóruband sem glitrar á.

Birta frá Línu langsokk

er birtan sem þeir sjá.

Gát á gatnamótum:

bráðum geng ég vissum fótum

merkta braut sem beinast

þegar bíll er ekki í nánd.

Hafa augun hjá sér:

ekki horfa á tærnar á sér:

bíða lags og loksins

vera laus úr götuþröng.
Umferðalag 1

Brunum áfram, grænu ljósin lýsa,

leiðin verður öllum bílum greið.

Götuljósin bílum veginn lýsa,

vagnar þjóta áfram sína leið.

Ljósin grænu, krakkar lítið á,

líkt þau segi: bílar áfram þá.

Lag: Ríðum, ríðum
Umferðalag 2

Rautt, rautt, rautt,

stönsum strax við rautt;

ekki má nú aka lengur,

yfir götu fólkið gengur,

rautt, rautt, rautt,

stönsum strax við rautt.

Grænt, grænt, grænt,

ganga skal við grænt;

á gatnamótum gætin standa

og gá vel til beggja handa:

grænt, grænt, grænt,

ganga skal við grænt.

Lag:Hæ, hæ, hæ, höldum burt úr bæ
Umferðalag 3

Rauði karlinn, rauði karlinn

kallar til þín hér.

Hann biður þig að bíða

best er því að hlýða.

Stans hann segir

stans hann segir

stans og gættu að þér.

Græna karlinn, græna karlinn

krakkar þekkja flest.

Göngumerki gefur

gát á öllu hefur

yfir götu

öll við göngum

glöð í einni röð.

Lag: Gamli Nói
Umferðalag 4

Ljósið rauða, ljósið rauða

lætur gegna sér:

Hér er hætta' á vegi

heyrist mér það segi:

stans og bíddu, stans og bíddu,

stans og hlýddu mér.

Gula ljósið, gula ljósið

glampar handan við:

Horfðu' á báðar hendur,

hyggð' að hvar þú stendur:

engan asa, engan asa,

agnarlitla bið.

Ljósið græna, ljósið græna,

loksins birtist það.

Augljóst er án tafar

allt sem geislinn stafar:

Leiðin opin, leiðin opin,

leggðu nú af stað.

Lag: Gamli Nói

Söngbókin

Umferðalög

Gát á dimmum vegi

Umferðalag 1

Umferðalag 2

Umferðalag 3

Umferðalag 4

Leikskólinn Vinagerði