Leikskólinn Vinagerði

Vinagerði

 

 

 




Leikskólinn Vinagerði tók til starfa 1. september 2006 en hann hafði áður verið einkarekinn. Leikskólinn er í gamalgrónu hverfi miðsvæðis í Reykjavik þar sem næsta umhverfi býður uppá fallegar og barnvænar gönguleiðir og skemmtileg leiksvæði sem er gaman að kanna. Húsið var byggt 1964 af KFUM og K og voru þau með starf í húsinu til ársins 2002. Grunnskóli hverfisins er Breiðagerðisskóli.

Í Vinagerði eru 64 börn á þremur deildum. Húsið er tveggja hæða og eru yngri deildirnar, Trölla- og Álfagerð á neðri hæðinni. Elstu barna deildin, Drekagerði og hreyfisalurinn Skessugerði eru á efri hæð, ásamt starfsmannaaðstöðu.

Leikskólastjóri er Harpa Ingvadóttir. Sími 553 8085 / 664 8168 This e-mail address is being protected from spambots. You need JavaScript enabled to view it.
A
ðstoðarleikskólastjóri er Sigríður Dista Jónsdóttir.

Uppeldisstefna leikskólans er umhverfismennt og stærðfræði. 
Í uppeldisstarfinu á deildunum er sérstök áhersla á hópastarf og val. Könnunarleikur fellur undir hópastarfið á Tröllagerði.

Í leikskólanum læra börnin að taka fyrstu skrefin í samfélaginu. Samkvæmt lögum er leikskólinn skilgreindur sem fyrsta skólastigið og að börn læri gegnum leik sem er viðurkennd námsleið þeirra.
Unnið er eftir Aðalnámskrá leikskóla 1999 en helstu áhersluþættir í leikskóla- og uppeldisstarfi Vinagerðis eru: Umhverfismennt, Grænfánaverkefni, val, stærðfræði, útivist. Stuðst er við kenningar John Dewey.